loading...
loading...
Çàãðóçêà...

Prezident İlham Əliyevdən sevindirici xəbər - Bax Belə

Prezident İlham Əliyevdən sevindirici xəbər - Bax Belə
Prezident İlham Əliyev: "Azərbaycanın ixrac imkanları qat-qat artacaq"

"Azərbaycanın ixrac imkanları qat-qat artacaq". 

week.Az AZƏRTAC-a istinadən xəbər verir ki, bunu Zirə qəsəbəsində "BAKU AGROPARK"ın birinci mərhələsi çərçivəsində görülən işlərlə tanış olan Prezident İlham Əliyev müəssisənin kollektivi ilə görüşündə deyib.

Kollektivi təbrik edən dövlətimizin başçısı qeyd edib: "Gözəl müəssisə açılır, müasir standartlara cavab verir. Burada 10 hektarda gözəl park salınıb. İş şəraiti də, məhsuldarlıq da yaxşıdır. Ən son texnologiyalardır. Ölkəmizin iqtisadi potensialını artıran müəssisədir. Burada ixracyönümlü məhsullar istehsal olunur. Bu da bizim iqtisadiyyatımızın şaxələndirilməsi üçün çox vacibdir. İndiki şəraitdə biz bu məsələyə xüsusi diqqət göstəririk".

İlham Əliyev vurğulayıb ki, kənd təsərrüfatının inkişafı prioritet məsələdir: "Mənə verilən məlumata görə, ölkəmizdə 400 hektardan çox sahədə yeni istixana kompleksləri salınır. Orada yetişdiriləcək məhsulun, demək olar ki, hamısı xaricə ixrac olunacaq. İndi biz özümüzü tərəvəzlə təmin etmişik və ölkəmizə ən çox gəlir gətirən sahə məhz pomidorla bağlıdır. Bu ilin 10 ayında pomidor ixracından ölkəyə 130 milyon dollar pul gəlib. İndi təsəvvür edin, əgər biz növbəti mərhələdə 400 hektarda yeni istixana komplekslərini istifadəyə versək, - bu da təbii ki olacaq, - bu, bizim ixrac imkanlarımızı qat-qat artıracaq. Bu, yeni iş yerləri deməkdir, burada təqribən 200-ə yaxın vətəndaş işlə təmin olunub. Bura qadınlar üçün də iş yeridir. Bu da çox önəmlidir. Görürəm ki, burada işləyənlərin əksəriyyəti qadınlardır, iş şəraiti yaxşıdır".Prezident İlham Əliyevdən sevindirici xəbər - Bax Belə

loading...

Xəbər lenti

Загрузка...