loading...
loading...

Atası yaşında evli kişilərlə görüşən ulduzların yasaq eşq məcaraları- FOTOLAR

Atası yaşında evli kişilərlə görüşən ulduzların yasaq eşq məcaraları- FOTOLAR
Kino yazarı Agah Özgüçün yazdığı kitabda "Yeşilçam” ulduzlarının yasaq eşq-məhəbbət hekayələribdən danışıb.
 Türkiyə mətbuatı tanınmış aktrisa və aktyorların yasaq sevgi romanlarını təqdim edir:
Belgin Doruk və Faruk Kenç

Belgin Doruk karyerasına model kimi başlayıb. O, aktrisa olmazdan əvvəl, 1953-cü ildə Türkiyə gözəllik müsabiqəsində ikinci seçilmişdi. Dövrün məşhur rejissoru Faruk Kenç həmin il çəkdiyi "Türkan Sultan” filmində Doruku baş rolda oynamağa dəvət edib. Çəkilişlərdə 54 yaşlı rejissor qızı yaşındakı Doruka aşiq olur.


Doruk o illərlə bağlı xatirələrini belə ifadə edib: "Anam peşəmi davam etdirmək şərtilə ailə qurmağımı istəyirdi. Faruk Kençle evlənmək istədiyimi deyəndə anam az qalsın infarkt olacaqdı. "O sənin atan yaşındadır”, - deyərək qarşı çıxdı. Anama məhəl qoymadım və 18 yaşım tamam olan gün Faruk Kençle evlənməyə qərar verdim. Anam çox üzülmüşdü".
Belgin Dorukla Faruk Kenç 1954-cü ilin sentyabrında ailə qurub. Bu evlilik 1961-ci ilə qədər davam edib. Evliliyin bitməsinin 3 səbəbi var idi: Aradakı yaş fərqi, Belginin başqa bir kişiyə aşiq olması və İstanbul Film Şirkətinin sahibi olan Kençin iflas etməsi. Doruk hələ ərindən rəsmən boşanmadığı illərdə adı film prodüseri Özdəmir Birsellə hallanırdı.



Aktrisa ikinci dəfə elə Özdəmir Birsellə ailə qurub. Ancaq Belgin axtardığı xoşbəxtliyi təəssüf ki, bu izdivacda də tapa bilmir. Daha sonra Belgin dərin depresiyaya düşür, əvvəlcə ruhi vəziyyəti pozulur, sonra isə həddən artıq kökəlir. Kino ulduzu 1995-ci ildə vəfat edəndə Özdemir Birsel Mədəniyyət Nazirliyinin dəstəyi ilə film çəkməklə məşğul idi.



Fərdi Tayfur və Mələk Ezgi



1930-cu illərdə məşhur opera bəstəkarı Muhlis Sabahattin Ezginin qızı Mələk Ezgi ilə dövrün məşhur aktyoru Fərdi Tayfurla Muhsin Ərtoğrulun rejissorluğunu etdiyi "Söz Bir, Allah Bir” (1933) filmində baş rolda çəkilib. Sonra isə kino ulduzları elə həmin il "Milyon Ovçuları” adlı ikinci filmə çəkiliblər. Bu iki film böyük bir sevgi hekayəsinin yaranmasına səbəb olub. Lakin cütlük xoşbəxt ola bilməyib. Çünki Fərdi Tayfur narkotik maddə aludəçisi idi. Üstəlik Tayfur sevdiyi qadını da narkotik maddəyə qurşandırır. İmmuniteti zəif olan Ezgi tezliklə vərəm xəstəliyinə yoluxur və gənc yaşda qan qusaraq ölümə məhkum olur.
Nilüfer Aydan və Halit Refik



"Yeşilçam”-ın məşhur ulduzları olan Nilüfer Aydan ilə rejossor Halit Refikin sevgi romanı böyük səs-küyə səbəb olmuşdu. Cütlüyün yasaq münasibətləri Topağacındakı Azadlıq Mənzilində həyata keçirən polis basqını zamanı ortaya çıxıb. Onları ifşa edən isə Nilüfer Aydanın rəsmi əri və məşhur aktyor Yılmaz Duru olub. Refik Aydanla rejissoru olduğu filmin çəkilişlərində tanış olub. Ən maraqlısı isə sözügedən filmin adının "Yasaq məhəbbət” olması idi. Hadisədən sonra Yılmaz Duru aktrisadan boşanır, Halit Refik isə Nilufər Aydanla heç nə olmamış kimi evlənir".
Muhterem Nur və Işın Kaan


Qısqanclığın ən parlaq nümunəsi Muhterem Nur ilə Işın Kaan arasında yaşanıb. Dövrün məşhur ulduzu Nurla evli olan aktyor Kaan əsgərlikdə olan zaman həyat yoldaşının filmini izləyir. Kaan filmdə həyat yoldaşının baş rolda oynadığı intim səhnələrdən əsəbiləşərək boşanmağa qərar verir. Işın Kaan Qarsda əsgərdə olduğu vaxt həyat yoldaşına aşağıdakı təsirli məktubu yazıb:
"Bazar günü "Gənc Osman” filminə getdim. Öpüş və eşq səhnələrində gördüyüm təhqir və utanc hisslərini ifadə edə bilmərəm. Dünəndən bəri əhval-ruhiyyəm bərbaddır. Sənin filmdə şəhvətlə və dəfələrlə öpüşünü qəbul etmirəm. Bunu heç çəkinmədən və ərinin nə hala düşəcəyini düşünmədən etdin".



Nurla Kaan iki il yarım evli qaldıqdan sonra boşanmağa qərar verir.
Nevzat Pesen və Nəriman Köksal




Evli və üç uşaq atası olan məşhur film prodüseri Nevzat Pesen 1958-ci ildə "Qızımın başına gələnlər” filmində oynayan Nəriman Köksala aşiq olur. Bu yasaq eşq 1965-ci ilə qədər davam edir.



Köksal "Konyakçı” filmində rol alan zaman rejissoru Firudin Kətə ilə tanış olur və dərhal nikah masasına oturmağa qərar verir. Onda Nevzat Pesenin bundan xəbəri belə yox idi. Bir müddət sonra "Pesen” film şirkətinin iflasından sarsılan Nevzat Pesen Köksalla ayrıldıqdan səkkiz il sonra evinin beşinci mərtəbəsindən özünü ataraq həyatına son verib.
Nəriman Köksal isə 1999-cu ildə vəfat etməzdən əvvəl qəlbində gizli qalan qəhrəmanı son dəfə görmək üçün xəstəxana otağına dəvət edir. Bu, onun son arzusu idi. Köksalın ölümündən əvvəl son dəfə görmək istədyi şəxs "Anadolu çoçuğu” və "Kimsə Fatma kimi öpemez” filmlərində baş rol oynayan İzzət Günay olub.



Türkan Şoray və Rühçan Adlı




Rühçan Adlı ilə Türkan Şorayın uzun illər sevgili olduğunu bilməyən yoxdur. İş adamı Rühçan Adlının Şorayın həyatında əhəmiyyətli rolu olub. Onu qoruyub, hər zaman zirvədə qalmasına kömək edib. Adlının evli olmasına baxmayaraq, 23 il böyük eşq yaşayıblar. Rühçan Adlı Şoraydan düz 23 yaş böyük idi. Şoray məhrum olduğu ata şəfqətini, ehtiyac duyduğu qayğını Adlıda tapmışdı. Bu əlaqədən sonra Şoray getdikcə şux qadın obrazından çıxıb daha təmkinli, sakit, hüznlü şəxsiyyətə çevrilir. Cütlük 23 il böyük məhəbbət macərası yaşasa da, Adlının həyat yoldaşı ərindən boşanmağa heç cürə razı olmur və güzəştə getmirdi.



Lakin məlum olub ki, ölümünün son dəqiqələrinədək Türkan Şoraya dəli kimi aşiq olan Rühçan sultandan əvvəl Nəbahat Çehrəyə aşiq olub. R.Adlının 1962-ci ildə aktrisaya göndərdiyi kartda bu sözlər yazılıb: "Çehrəm, Lalələr məmləkətindən, gözəl çiçəyimə - Nəbahata salamlar".publika.az



loading...

Xəbər lenti